Водостојот кој што во моментов го има Црна Река е погоден за конечно да се преземат мерки за чистење на нејзиното корито што би претставувало и навремено превенирање и заштита од евентуални нови поплави. Според заменик- министерот за земјоделство, Ванчо Костадиновски, веќе се извршени потребните стручни консултации со сите инволвирани субјекти од општините: Прилеп, Битола, Новаци и Могила, и за неполни десетина дена ќе почне  да се работи на трасата во должина од 30 километри.