Над 2000 интервенции имале екипите на црвениот крст за време на викендот во прифатниот центар за бегалците кај Гевгелија. Настинки, омалаксаност, зголемена температура, ова се здравствените проблеми на кои после долгиот пат најчесто се жалат мигрантите кои секојдневно пристигаат на југот од државата.  Мигрантите чија бројка на дневна основа во просек изнесува околу 6000 во прифатниот центар  освен прва помош добиваат вода, пакети со храна и хигинески средства. Но и покрај големиот број на лица  кои пристигаат центарот  функционира организирано и без никакви проблеми.