Со парче метал во срцето велешанец завршил во операционата сала на Државната кардиохирургија.  Лекарите во последен момент му го спасиле животот. Додека  хирурзите од неговото тело го ваделе предметот голем 4 сантиметри, пациентот бил приклучен на вештачко срце.  По неколку часовна борба , несреќата имала  среќен крај. Тешко повредениот сега е во стабилна состојба  на интензивна нега и не е веќе  на апарати за дишење.