Генералниот секретар на МКФ, Моника Гавриловска назначена за член на младинската комисија на ФИБА

 

Моника Гаврилоска, генералниот секретар на Македонската кошаркарска федерација (МКФ) ќе биде дел од тимот на Европската кошаркарска федерација (ФИБА Европа) кој ќе се грижи за развојот на младинската кошарка.

 

 

 

ФИБА Европа ги препозна професионалноста, квалитетот, несебичноста и посветеноста кон младинската кошарката на Гравриловска низ нејзините ангажмани за време на младинските шампионати кои МКФ ги организираше, па Европската куќа на кошарката одлучи Гавриловска да ја назначи за член на Младинската комисија при која се грижи и работи за развојот на младинската кошарка ширум Европа.

 

Ова големо признание доаѓа како потврда за посветеноста на раководните луѓе на МКФ во изминатиот период токму кон младинските категории, а осебно во проектот со селекцијата до 14 години, која е дел од регионалниот проект на ФИБА „Заедно до У16“.

 

Гаврилоска заедно со претседателот на МКФ, Петар Наумоски, денеска патуваат за Прага каде утре ќе биде извршена жрепката за претквалификациските групи за ФИБА Светскиот шампионат во 2019 година, во која најдобрата македонска кошаркарска репрезентација ќе ги дознае своите противници.