Стразбур и Гран Канарија со предност по првите четвртфинални дуели во Еврокупот

Во кошаркарскиот Еврокуп синоќа се одиграа два натпревара од четвртфиналната фаза по кои предност остварија гостинските екипи Стразбур и Гран Канарија.

Стразбур беше поуспешен од Нижњи Новгород со 94:85, додека Гран Канарија ја совлада Зелена Гора со 93:82.

Претходно двоцифрена предност пред реваншите си обезбедија Баерн Минхен и Тренто.

Баерн Минхен на домашен терен го совлада Галатасарај со 99:89, а Тренто во италијанската пресметка беше поуспешен од Армани Милано со 83:73.

Реваншите се играат на 22 и 23 март.