Субвенции за млади за купување музички инструменти, ќе се гради ново училиште во Љубош

 На предлог на Министерството за образование и наука, Владата на денешната 64.седница го прифати Предлог-закон за поддршка на млади при купување на музички инструменти.

Како што соопштија од владината прес-служба, законот предвидува Министерството да врши поврат на дел од исплатените средства за купен музички инструмент во висина од 75 отсто од исплатените средства, но не повеќе од 100.000 денари по инструмент, за купени 25 музички инструменти од страна на редовни ученици запишани во државните средни училишта во кои се остваруваат планови и програми за музичка уметност и во висина од 75 отсто од исплатените средства, но не повеќе од 100.000 денари по инструмент, за купени 25 музички инструменти од страна на редовни студенти запишани на државните високообразовни установи каде се остваруваат студиски програми од областа на музиката.

Министерството за образование, се додава, на денешната седница доби и одобрение за отпочнување постапки за јавна набавка за склучување на повеќегодишни договори за изградба и надзор над изградба на ново училиште во место викано Љубош во општина Студеничани.