Њуз.бг: Москва веќе не може да ја спречи независноста на Украинската и Македонската црква
Вселенската патријаршија може да објавува автокефалност на црквите кои сакаат да добијат независност, и без согласност на останатите помесни православни цркви.
Оваа одлука ја донел Архиерејскиот собор на Вселенската патријаршија на состанокот одржан во Истанбул од 1 до 3 септември, а практично значи дека Руската и Српската црква нема да можат да ја спречат независноста на Украинската и на Македонската православна црква, пренесува Њуз.бг.
Вселенскиот патријарх Вартоломеј потсетил дека Руската православана црква без консултации со Вселенската патријаршија со векови си дозволувала самоуправа, наведувајќи ја како пример Киевска митрополија.
- Москва повеќе векови располага со Киевската митрополија без тоа да е дискутирано со Константинопол, истакнал Вартоломеј.
Претходно Руската и Српската црква се изјаснија против независноста на Украинската и на Македонската црква, инсистирајќи на тоа дека за да добијат тие автокефалност, потребно е со тоа да се согласат сите останати православни цркви. Со тоа, Москва и Белград се надеваат дека ќе го блокираат патот на Македонија и Украина кон независност на црквите.
Московскиот патријарх Кирил пред неклку дена беше во Истанбул на средба со вселенскиот патријарх Вартоломеј, во обид да го спречи давањето авфокефалност на Украинската и на Македонската црква. Се очекува до крајот на месецов, Вселенската патријаршија да издаде томос за независност на Украинската црква. Се уште не е познато во која фаза е постапката во однос на Македонската православна црква, пишува Нуз.бг., повикувајчи се на извори во Вселенската патријаршија.
Ново на Сител
-
Училиштата каде што ќе се гласа на изборите, на 23 април и 7 мај ќе работат до 11 часот
-
„Сакаме да јадеме нешто“: Илјадници патници заробени на аеродромот во Дубаи
-
Во поплавите во Пакистан и во Авганистан загинаа приближно 140 луѓе
-
Одреден притвор за заменик директорот на косовската полиција, останатите полицајци ослободени
-
Битолчанец со воздушна пушка од својот балкон пукал кон куче скитник
-
Петмесечно бебе со пертусис хоспитализирано во прилепската болница
-
Во Велес исчезна 56-годишен маж
-
Мачка се држи за рачка на врата од автомобил во поплавите во Дубаи | ВИДЕО