„Њујорк тајмс“: Рациите за депортација на илегалните имигранти почнуваат в недела
Американските власти в недела почнуваат со најавените рации за депортација на илегалните имигранти, објави денеска „Њујорк тајмс“ повикувајќи се на два извора од Департментот за национална безбедност.
Весник дознава дека Имиграциската и царинска служба (ИЦЕ) првично во текот на повеќедневна операција треба да задржи најмалку две илјади имигранти без законски престој, за кои имало судски наредби за депортација и дека првите рации ќе почнат истовремено во десетте најголеми градови во САД.
Извори за весникот се сомневаат во изводливоста на акцијата. Се наведува дека постои нерешителност помеѓу органите за безбедност кои можат да се судрат со правни и практични проблеми како немање доволно сместување во приватните центри во Пенсилванија и во Тексас и многу од задржаните може да бидат сместени во хотели додека се чека изготвување на нивните патнички исправи. Во имигрантската заедница во САД се проширени слуховите за подготовка на масовни апсење и се знае дека „службите на ИЦЕ не можат да влезат дома без дозвола на станарите, дури и кај оние кои се дојдени илегално“.
Раководителот на ИЦЕ, Кен Кјуцинели, синоќа укажа дека службите се подготвени за акција и дека рациите „апсолутно ќе се случат“, откако претседателот Доналд Трамп ги одложи со цел да се побара надпартиско законско решение за илегалната имиграција во САД.
Трамп, кон крајот на јуни најави „депортација на милиони илегални имигранти“ спроведена од имиграциската и царинска служба на САД. По неколку дена Белата куќа ги одложи антиимиграциските акции бидејќи републиканците побараа изнаоѓање компромис со демократите во врска решавање на прашањето за азил на бегалците пријавени на јужната граница со Мексико и пропустите во тамошната погранична контрола.
За време на самитот Г-20 во Јапонија претседателот уште еднаш потврди дека рациите ќе се случат после две недели, рок кој истекува на 14 јули.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово