„Њујорк тајмс“: Компаниите на Трамп имаат долгови од најмалку 650 милиони долари
Компаниите на Доналд Трамп имаат направено долгови од најмалку 650 милиони долари, што е двапати повеќе од тоа што во текот на својата кампања го пријави републиканскиот кандидат за американски претседател, информира весникот „Њујорк тајмс“.
Дневниот весник ангажирал специјализирана компанија за добивање информации за недвижен имот, за да собере податоци за имотот на милијардерот, а посебно за зградите со канцеларии и игралиштата за голф.
Истрагата на „Њујорк тајмс“ покажала дека освен долгови од 650 милиони долари, значителен дел од финансиската состојба на Трамп е врзана со три партнерства, кои на повеќе кредитори им должат вкупно две милијарди долари.
Меѓу кредиторите на империјата на Трамп е „Банк оф Чајна“, една од најголемите државни банки во Кина (земја која милијардерот редовно ја претставува како трговски партнер што треба да се потчини), како и „Голдман Сакс“, познатата инвестициска банка, која Трамп ја обвинува дека и помага на неговата соперничка Хилари Клинтон.
Магнатот сака да го истакнува својот успех во бизнисот, претставувајќи го како гаранција за неговата способност да управува со САД. Тој, меѓутоа, одбива јавно да ги каже своите приходи, како и да дозволи независна ревизија на состојбата на неговиот бизнис, забележуваат француските медиуми.
„Њујорк тајмс“ пишува дека во својата предизборна кампања Трамп се обидуваше да ја наметне претставата за себе како бизнисмен кој со свој труд ги стекнал милијардите и дека никому ништо не должи.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица