Њујорк: Епидемија на мали сипаници, задолжителна ММР вакцинација
Градоначалникот на Њујорк Бил де Блазио денеска во делови од Бруклин прогласи за задолжителна ММР вакцинација за жителите кои живеат во загрозените подрачја, во спротивно ќе се соочат со казни.
-Најголемата епидемија на мали сипаници во градот од 1991 година е во голема мера ограничена на ортодоксната еврејска заедница во Вилијамсбург, дел од Бруклин, со 285 потврдени случаи од октомври, во споредба со само два пријавени случаи во 2017 година, изјави де Блазио.
-Тука е епицентарот на епидемијата на мали сипаници, што е многу загрижувачко и ние треба веднаш да дејствуваме, рече градоначалникот на Њујорк.
Меѓу 285 потврдени случаи, само 39 не се деца.
Според одлуката на градоначалникот, луѓето кои живеат во тој дел од Бруклин и кои не биле вакцинирани против сипаници, а постои можност тие да биле изложени на вирусот, мора да добијат ММР вакцина, односно вакцина против мали сипаници, рубеола и заушки.
Досега нема смртни случаи, но околу 20 лица биле хоспитализирани, а петмина биле примени на интензивна нега.
Оние кои не ја примиле ММР вакцината и не можат да дадат друг доказ за имунитет, како на пример доказ дека претходно имале мали сипаници, се соочуваат со парична казна до 1.000 долари.
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација