Свет
22. September 2021 - 9:46

Низа земјотреси го тресат Мелбурн - најсилниот со јачина од 6 степени по Рихтер | ВИДЕО

Земјотрес со јачина од 6 степени, еден од најсилните што е забележан во Австралија, го погоди југоистокот од оваа земја.

Од потресот штета претрпеа неколку згради во Мелбурн.

Епицентарот на земјотресот бил во близина на руралниот град Менсфилд, на околу 200 километри североисточно од Мелбурн, на длабочина од 10 километри.

Земјотресот бил почувствуван и во соседните Јужна Австралија и Нов Јужен Велс.

По првиот следеле два потреси со помал интензитет, од 4 и 3,1 степен.

Иако ова е најсилен земјотрес во Австралија, нема пријавени поголеми материјални штети, ниту извештај за евентуални жртви.