Нимиц: Преспанскиот договор е важен за регионот и за односите меѓу Атина и Скопје
Договорот од Преспа е многу важен чекор за стабилноста на регионот и за односите меѓу Македонија и Грција, изјави специјалниот претставник на ОН, Метју Нимиц, по средбата во Њујорк со алтернативниот шеф на грчката дипломатија, Јоргос Катругалос, јави дописникот на МИА од Атина.
– Очигледно политичкиот прцес во двете земи напредува, а јас како претставник на ОН останувам подготвен да помогнам. Ако на двете страни им е потребна моја помош, Обединетите нации се подготвени да помогнат, рече Нимиц.
Катругалос истакна дека на средбата со Нимиц ја повторил „посветеноста на Грција на духот и на содржината на Договорот од Преспа, со предусловот што се подразбира, дека оваа посветеност е заемна и за другата страна“.
– Разговаравме за напредокот и за одредени проблеми што се создадоа во изминатиот период и му се заблагодарив за важниот придонес што го направи досега за, се надевам конечно, решавање на ова прашање, рече Катругалос.
Алтернативниот министер за надворешни работи на Грција, во Њујорк се сретна и со специјалната претставничка на ОН за кипарското прашање, додека пак денеска е во Вашингтон, каде што започнува стратешкиот дијалог Грција –САД.
Во 16 часот по локално време, Катругалос ќе се сретне со американскиот државен секретар Мајк Помпео, а претходно ќе има средба со Џон Болтн, советникот за национална безбедност на претседателот на САД.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари