Николовски: Се прават максимални напори за извоз на праските во други земји
Владата работи на тоа да нема штети од забраната за увоз на македонски праски во Руската федерација и да се врати состојбата во нормала, истакна денеска министерот за земјоделство Љупчо Николовски, одговарајќи на новинарски прашања по порибувањето на акумулацијата Глобочица.
Повтори дека земјава не добила официјално известување за времената мерка и дека се во тек засилените инспекциски контроли на пунктовите.
Според Николовски, претставници на компании од Англија и Косово се веќе во Росоман за да проценат дали може да откупат одредени количини од трите камиони што ги врати Рсуија.
- Посветени сме на извоз до последниот килограм праски или кое било друго овошје, да биде обезбеден пласман на други пазари. Го менаџиравме тоа цела недела и денеска претставници на компании од Англија и Косово се во Росоман. Менаџиравме да може да се извезе она што е веќе подготвено, подвлече министерот.
Соопшти и дека иницирал средба со рускиот амбасадор во Македонија.
- Како копретседател на меѓувладината комисија контактирав со другата страна, но новата Влада во Русија нема назначено копретседавачи. Цела година ги негувавме партнерските односи и во делот на земјоделството, со мојата посета на Русија правевме се да ги нормализираме активностите, бидејќи последните пет години немало никакви владини комуникации, објасни министерот Николовски.
Ново на Сител
-
Тема на денот со Владо Мисајловски, носител на листа ИЕ2 од ВМРО-ДПМНЕ
-
Мицкоски ги повика Апасиев и Димитриевски на обединување
-
Парламентарни избори 2024
-
Претседателски избори 2024
-
МОН до основните училишта: Во саботите ќе се одработуваат неработните денови поради изборите
-
Оспорени 3.000 вработувања кои ги потпишал Бесими без врзан потпис, ДИК ќе одлучува дали ќе останат на работа
-
Компанијата „Еуромакс Ресоурсес“ со последно предупредување пред да ја тужи државата за рудникот „Иловица - Штука“
-
Скопје ја надмина бројката од 400 заразени со голема кашлица