Нигерија почнува со судски процес против осомничени членови на Боко Харам

Повеќе од 2.300 осомничени членови на џихадистичката група Боко Харам се очекува да се појават на суд во Нигерија од утре во голем судски процес што ќе се одржи зад затворени врати.

Обвинетите се во притвор по почетокот на конфликтот пред осум години во кој загинаа најмалку 20.000 луѓе во таа држава.

Досега само 13 лица се изведени пред суд и од нив деветмина осудени за нивни врски со Боко Харам.

Првично пред суд ќе бидат изведени околу 1.670 приворени во воена база во Каинџи, во централната држава Нигер, а подоцна уште 650 кои се во касарна во Маидугури, главен град на североисточната држава Борно.