Независен полициски синдикат: Несоодветни услови за работа на ГП „Џепиште-Требиште
Службениците на полицијата на граничниот премин „Џепиште - Требиште“ на македонско-албанската граница работат во субстандардни услови, истакна денеска во Охрид претседателот на независниот полициски синдикат Гоце Делчев Тонев.
Тонев во изјавата пред медиумите дадена пред Командата на граничната полиција - запад истакна дека граничните полицајци работните обврски ги извршуваат во контејнер со две импровизирани простории, кои не се поврзани ниту на системот за напојување со електрична енергија ниту кон водоводната мрежа.
- Полицајците кон и од работа патуваат по два часа и вршат само гранични проверки бидејќи на преминот нема царинска контрола, изјави тој посочувајќи дека за проблемот го известил министерот за внатрешни работи од кого бара итно да интервенира да се подобрат условите за работа на граничната полиција.
Според Тонев, голем дел од полициските службеници кои работат во рамките на РЦ за ГР Запад се од Кичево и Македонски Брод, кои до своето работно место секојдневно патуваат по околу 150 километри во еден правец, а некои од нив немаат организиран превоз.
- Кога временските услови се лоши се случува во пат да поминат и до 7 часа со што за нив се создава проблем бидејќи тие во најмала рака во месецот губат по најмалку 75 часа во изминат пат и иако патуваат со службен превоз и потпишан патен налог, не им се евидентираат ниту како работни часови, ниту како прекувремени часови, посочи Тонев.
Заедничкиот пограничен премин „Џепиште – Требиште“ беше отворен на 17 мај во 2013 година, согласно договор на Владите на Република Македонија и на Република Албанија.
Ново на Сител
-
Тошковски во посета на ЕВР Центар и Бит Пазар
-
Грчката Влада ја остава отворена можноста да ѝ помогне на Франција со противвоздушни системи за време на Олимписките игри
-
Норвешка донираше 76 неборбени моторни возила на Македонија
-
Моментно нема индикатори за нов ценовен бран, оценува бизнисот
-
Би-Би-Си на српски: Оствари ли опозицијата недостижна предност пред вториот круг гласање
-
Во Брисел почна трилатерален состанок на делагациите од Белград, ЕУ и од Приштина
-
Радовишанец во повеќе наврати извршил обљува врз малолетничка
-
Врховен го укина притворот на таткото на Вања, определи куќен притвор и мерка на претпазливост