Незапаметено злосторство: Синот со секира ја убил својата мајка

Утрово околу 10 часот е пронајдено телото на 61-годишната В.С. која најверојатно е убиена со секира.

Осомничениот за ова злосторство е Драган Ш. (39), син на убиената жена и тој е уапсен пред дворот на семејната куќа каде е пронајдено телото. Тој сам и се предал на полицијата.

Како што раскажува неговиот татко Лазо, Драган веќе 10 години е психијатриски пациент кој пие лекови.

-Тој цепеше дрва, а таа собираше покрај него. Дали ја промашил цепаницата па ја удрил неа или таа се занела зошто имаше проблем со колковите и падна на секирата, или тој намерно ја удрил, не знам, вели тој.

Драган не работел па го издржувале родителите. Поранешната сопруга го оставила пред 7 години и тој тешко го поднел тоа. Нивните деца живееле со него.

-Беше негова прва љубов, а го мамеше и затоа често се караа, вели Лазо.

Во моментот на несреќата во куќата спиела ќерката на Драган, ученичка во осмо оддление, додека неговиот син кој одел во прва година средно училиште бил на часовои.

Неговата ќерка не слушнала кога се случило злосторството, се разбудила дури кога дома се вратил нејзиниот дедо и ја нашол мртва сопругата.