-->
-->
Невремето во Албанија ја зеде првата жртва, почина татко на две деца
-->
При санирање на дефект, а како последица на струен удар, животот го загуби 32-годишниот електричар Фатјон Хоџа, жител на Луж, кај северниот град Тропоја, татко на две малолетни деца.
Невреме проследено со обемни и интензивни врнежи од дожд и силен ветер предизвика големи проблеми во поголемиот дел од територијата на Албанија.
Во повеќе населби во Валона и Фиер надојдената река Вјоса поплави повеќе куќи, а поради опасноста евакуирани се многу семејства. Поплавени се и делови кај Ѓирокастро каде има лизгање на земјиште кое е пристигнато до блиските куќи. Во местото Загор под вода се културно-исторски споменици.
Немирното море со големи бранови услови прекин на морскиот сообраќај. Два дена не сообраќаат траектите кон италијанскиот брег.
Невремето предизвика голем број дефекти на електромрежата, па без електрична енергија се илјадници домаќинства во подрачјето на Елбасан, Ѓирокастро, Валона и Кукс. Во санирање на дефектите на терен ангажирани се 2.200 вработени на албанската Електродистрибуција.
При санирање на дефект, а како последица на струен удар, животот го загуби 32-годишниот електричар Фатјон Хоџа, жител на Луж, кај северниот град Тропоја, татко на две малолетни деца.
По низата обвинувања и критики на адреса на Владата за негрижа, премиерот Еди Рама на својот профил на Фејсбук напиша дека „државата е на својата задача“.
– Од вчера без прекин на терен ангажрани се сите државни структури во надминување на состојбата создадена од невремето и да бидат поблиску до погодените семејства, напиша Рама.
Поради големата количина вода на коловозите тешко се одвива и патниот сообраќај, а во акцијата за спасување патници заглавени во комби возило беше вклучен и хеликоптер.
-->
-->
-->
Ново на Сител
-
Неврохирург со амбиција за промени во општеството | Венко Филипче | Неформално | Sitel Podcast 028
-
Вработена во битолско средно училиште нападната од колешка
-
Поради одржување предизборни митинзи в сабота и недела изменет режим на сообраќај во Скопје
-
Во општините Дебар и Центар Жупа повеќе гласачи од жители
-
Тепачка помеѓу две колешки во средно училиште во Битола
-
Вчера пријавени два различни случаи на физичко насилство на Бит Пазар
-
Приведени сопружници од Скопје
-
Во Прилепско во тек се теренски акции за имунизација