Балкан
20. September 2019 - 9:39

Невреме во северниот дел на Грција

Невремето што доцна синоќа го зафати северниот дел на Грција предизвика материјална штета на домови, а противпожарната служба интервенирала во девет случаи за спасување луѓе во Солун, објавија локалните медиуми, jави дописничката на МИА од Атина.

Паралелно противпожарната служба на Грција интервенира во испумпување вода од домовите, а добила вкупно 150 повици за помош.

Невремето зафати и други градови од северниот дел на земјата, а освен врнежи од дожд, беше регистриран и град.

Според грчката новинска агенција АНА-МПА, поројниот дожд го поплавил автопатот Солун- Ореокастро, а автомобилите останале заглавени на патот.