Балкан
3. October 2019 - 18:02

Невреме на Балакнот - снег на планините, а силниот ветер превртува и камиони

На хрватската планина Завижан врне снег, а бидејќи температурите се околу нулата, се очекува врнежи да има и во другите предели, пренесуваат медиумите.
 
Како што се гледа на снимките, снегот почнал да врне во Завижан, а може наскоро да премине и на другите места, информира Индекс.хр.
 
Нови обилни врнежи од полноќ до 11 часот утринава имало во делови на Далмација, јавува Далмација денес.
 
На Вис наврнало 49 литри дожд по квадратен метар. Грмежите од средината на денот се преместиле над Брач. На Динара температурата паднала на 0 степени и почнало да врне снег.
 
Вчера бурата била толку силна што превртела и камиони. Поради бурата во Хрватска, бил затворен и автопатот на подрачјето на Масленица, а ветерот правел проблеми и на магистралата кај Велебит.