Невработеноста во Бугарија за една година намалена за 1,2 процентни поени

Во јуни стапката на невработеност во Бугарија била за 1,2 процентни поени пониска во споредба со истиот период лани, соопшти денеска бугарската Агенција за вработување.

Како што јави БТА, намалувањето пак во однос на мај 2016 година е за 0,3 отсто и, според Агенцијата, се очекува таа тенденција да продолжи.

Според извештајот на Агенцијата, бројот на невработени во Бигарија минатиот месец изнесувал 274.276 лица.

Во бироата за вработување во Бугарија се регистрирани 18.263 слободни работни места, од кои 13.434 се во приватниот сектор, односно приближно 74 отсто од вкупниот број.