Македонија
22. March 2018 - 9:30

Несторовска и Велковски на Светски конгрес за гранична безбедност

Државниот секретар на МВР Магдалена Несторовска и директорот на БЈБ Лазе Велковски се во официјална посета на Кралството Шпанија, каде на покана на ОБСЕ присуствуваат на Светскиот конгрес за гранична безбедност, што се одржува во Мадрид од 20 до 23 март.

Во рамки на оваа активност, како што соопшти МВР, тие оствариле билатерална средба со генералниот директор на шпанската полиција Герман Лопез Иглесијас и директорот на Одделот за илегална миграција и трговија со луѓе и нивните соработници, при што биле договорени повеќе активности за унапредување на натамошната соработка особено во сферата на организираниот криминал,трговијата со луѓе и илегалната миграција.

На покана на директорот на Одделот за трговија со луѓе и илегална миграција била остварена посета на Националниот центар за гранично управување при МВР на Кралството Шпанија.