Живот
15. October 2015 - 14:07

Несокојдневен случај во Русија - Мечка влегла во трговски центар!

Eдна дива мечка залута во трговски центар на крајниот исток на Русија, а потоа се упати кон блиското игралиште, по што полицијата беше принудена да ја убие. При интервенцијата на полицијата немало повредени.

Локалниот ТВ канал „Местропро“ објавил видео на кое се гледа како мечката го разбива прозорецот а потоа лута низ трговскиот центар во градот Хабаровски, кој се наоѓа во близина на границата со Кина.

Тогаш мечката ја турка и ја отвора вратата, по што излегла надвор и одела кон блиското игралиште, поради што полицијата морала да ја убие.

Истражниот комитет, главното државни истражно тело во Русија, започна истрага и ја испитува оправданоста на полициската интервенција.

Телевизијата пренесе дека мечката била на возраст меѓу две и три години.