Несекојдневна сцена во болница: Ја породи сопругата во ходникот на Гинекологија
Кога во родилиштето во Прокупље ја донел сопругата за да се породи, чекајќи ги во ходникот лекарите за да се појават, бебето почнало да се раѓа, а Звездан Ристиќ го прифатил детето да не падне на подот. Лекарите стигнале само за да ја пресечат папочната врвца и да ги згрижат мајката и детето.
Несекојдневниот настан се случил на Одделението за гинекологија, зошто, како што во шега сега вели Ристиќ, малечката Калина немала трпение да стигне до родилната сала.
-Се почна во раните утрински часови кога сопругата, во исчекување на породувањето почнала да крвари. Веднаш ја ставив во возилото и тргнав кој единственото родилиште во топличкиот округ во Прокупље. Во тој момент помислив дека нешто не е во ред со бебето, вели Звездан.
По доаѓањето на паркингот од болницата, со сопругата Светлана, која речиси и не можела да оди, тргнал кон зградата на родилиштето.
-Кога влеговме, вратата како и лифтот кој води до Одделението за гинекологија на катот беа заклучени. Во исчекување некој од медицинскиот персонал да се појави, ја видов сопругата како ја повлекува пижамата која ја носеше и во тој момент се појави главата на бебето. Не размислував многу, ја прифатив, а бебето само излезе, раскажува Звездан.
Набрзо потоа го слушнал звукот кој ќе го памети цел живот.
-Бебето заплака токму во моментот кога се појавија работниците од Гинекологија со дежурниот лекар. Веднаш потоа ја ставија жената на носилка и ја однесоа на Одделение и на крајот се се заврши како што треба. Уште сум возбуден, но не и исплашен за тоа што се случи, вели пресреќниот татко.
На Звездан ова му е петто дете од два бракови. Мајката и малата Калина сега се чувствуваат добро и наскоро си одат дома.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка