Непријателот не знае што да очекува од нас, Зеленски не открива детали за новиот пакет американска воена помош
Украинскиот претседател Володимир Зеленски денеска изјави дека му е благодарен на американскиот претседател Џо Бајден за дополнителната воена помош, но не сакаше да прецизира што точно вклучува новиот пакет, бидејќи не сака да и открива информации на Русија.
– Ова е наша одбрана, кога непријателот не знае што да очекува од нас. „Затоа што не ни знаеја што ги чека по 24 февруари, денот кога Русија изврши инвазија“, рече Зеленски, а пренесува агенцијата АП.
– Не знаеја што треба да браниме, ниту како сме подготвени да го примиме ударот – додаде Зеленски.
Тој наведе и дека Русија очекува да ја најде Украина во иста состојба како во 2014 година, кога, како што тврди, без борба го окупирала Крим и ги поддржувала сепаратистите додека тие ја преземале контролата врз источниот регион Донбас.
– Но Украина сега е друга земја, со многу посилна одбрана – рече Зеленски.
Тој исто така рече дека не е време да се открие тактиката на Украина во тековните преговори со Русија.
– Работете повеќе во тишина отколку на телевизија, радио или Фејсбук. Мислам дека тоа е вистинскиот пат – нагласи Зеленски.
Ново на Сител
-
Руски воени бродови впловија во Црвено Море
-
Бојмацалиев: ОВР Дебар поднесе рекордни 55 кривични пријави за дивоградби во 2023
-
МНР: Состанок на заедничкиот експертски комитет за историски, археолошки и образовни прашања согласно Преспанскиот договор
-
ЈСП Скопје: Можни се технички проблеми при валидирање со телефон или апликацијата „Скопска“
-
Ангелов: Би работел за СДСМ но за плата од 5000 евра
-
МЗШВ: Лозарите добиваат гарантирана откупна цена на винското грозје
-
Македонија и 11 членки на НАТО ја зајакнуваат соработката за обука на воени пилоти
-
ССМ на 2 април на протест поради одлуката на Врховниот суд, ќе протестира и на 1 мај