Необјавени фотографии од свадбата на Чарлс и Дијана ќе се продадат на аукција
Дванаесет досега необјавени фотографии од свадбата на британскиот престолонаследник Чарлс со сега покојната принцеза Дијана, ќе бидат продадени на аукција, идниот месец во САД.
Сите фотографии се направени на 29 јули 1981 година, во Бакингамската Палата, по венчавката во катедрачата Сент Пол, а пред свадбената свеченост.
Сите се од колекцијата што ја направил некогашниот кралски фотограф, Англичанецот Патрик Личфилд.
Тој беше прв братучед на кралицата Елизабета и единствен имаше дозвола да фотографира „зад сцена“ и да прави неформални фотоси од кралската свадба на столетието, како што медиумите во Велика Британија и низ светот го означуваа венчавањето на Чарлс и Дијана.
Шест фотографии ја прикажуваат невестата, принцезата Дијана со членови на своето семејство, како и детали од кралското парти во Бакингамската Палата.
На една од фотографиите се гледа како Дијана си игра со една од нејзните деверуши, која тогаш имала само пет години, на која се гледа и кралицата.На друга фотографии може да се видат Чарлс и Дијана од зад завеса гледаат на толпата народ насобрана пред Палатата во центарот на Лондон, очекувајќи да се појават младоженците и да ги поздрават.
Чарлс и Дијана се разведоа во август 1996 година, а една година подоцна, поранешната „народна принцеза“ загина во Париз, во сообраќајна несреќа.
Личфилд кој подоцна стана лорд, умре во 2005 година, на 66 годишна возраст, од мозочен удар.
Ново на Сител
-
Битиќи: Работна недела од 7 часа дневно во одредени сектори во 2025
-
Македонија треба да врати 2,2 милиони евра потрошени за измами од „Еразмус плус“
-
Мицкоски најави нови проекти во Гевгелија
-
Бабовски: Кај нас нема од вафлите Нестле што се повлечени од хрватскиот пазар
-
Скопјанец наплаќал паркинг на државно земјиште
-
Кривична пријава за тројца полициски службеници за „несовесно работење во службата”
-
Вратен и третиот мандат за формирање влада, следат нови избори во Бугарија
-
Ѓурчески: Се сомневам дека Данка е киднапирана, детално чешлање на сите криминалци во тој регион