Живот
20. August 2018 - 21:11

Нема веќе куќи за странци: Оваа земја со закон го забрани тоа!

Нов Зеланд усвои закон со кој на повеќето странци нема да им биде дозволено да купуваат куќи во таа земја, која се обидува да го спречи растот на цените на надвежности.

Досега пазарот за недвижности на Нов Зеланд бил отворен за инвеститори од целиот свет, но Владата усвои закон со кој само државјаните на таа земја ќе можат да купуваат куќи.

Статистичките податоци покажуваат дека околу три отсто од новозеландските куќи им се продадени на странци, но и дека дошло до пораст од пет отсто во живописниот регион Квинстаун и 22 отсто во Окланд.

Минатиот месец ММФ соопшти дека Нов Зеланд треба да ја преразгледа забраната, нагласувајќи дека е малку веројатно оти поради таквата одлука становите и куќите ќе бидат попристапни. Сепак Владата тврди дека странците се тие што ја зголемуваат цената на недвижностите, но единствено прашање е колку изнесува таа.

Странците со постојан престој на Нов Зеланд и понатаму ќе можат да купуваат куќи и станови, како и луѓето од Австралија и Сингапур, бидејќи со тие земји Нов Зеланд има склучено договор за слободна трговија.