Живот
1. April 2019 - 10:27

Нема веќе ѕверење во голи женски: Амстердам ги забрани туристичките тури во улицата на Црвените фенери

Властите во Амстердам објавија дека повеќе нема да бидат дозволени туристички обиколки на славната улица на Црвените фенери.

Амстердам како едно од најголемите европски туристички дестинации и онака често е пребукиран. Тесните улички во Црвениот кварт едноставно не можат да примат толкав број на луѓе, посебно навечер и во викендите.

Де Вален, како што е официјалното име на улицата на Црвените фенери веќе со векови е најславен кварт од овој тип во Европа.

Од денеска се забрануваат организирани туристички обиколки по 19 часот, од 1. јануари 2020 стапува на сила целосната забрана на посети.

Заменик градоначалникот Удо Кок вели дека групните променади на туристите покрај излозите зад кои се проститутките и другите сексуални работнички се полни со непочитување.

„Не е во ред сексуалните работнички да се третираат како туристичка атракција“, рече Кок.

Повеќе од 80 отсто од луѓето кои работат во улицата на Црвените фенери велат дека ги чувствуваат негативните последици од туристичките тури. Минатата година Амстердам го посетија 21 милион туристи.