-->
-->
Нема откажување на „Ел Класико“
-->
Шпанскиот министер за внатрешни работи, Хорхе Фернандес Дијас, потврдил дека натпреварот меѓу Реал и Барселона, познат како „Ел Класико“, ќе се одигра во предвидениот термин и покрај нарушената безбедносна состојба во Европа.
Терористичките напади кои се случија во Париз во петокот, полициските акции за апсење на терористи, како и откажаните контролни натпревари меѓу Белгија и Шпанија, односно Германија и Холандија, го доведоа под знак прашање одигрувањето на „Ел Калсико“.
„Не ја разгледуваме можноста натпреварот да биде откажан. Нема причина тоа да се случи. Ги засиливме безбедносните мерки, а причините за тоа се очигледни, но во моментов нема причина мечот да биде откажан“, рекол Фернандес Дијас.
„Обезбедувањето ќе биде засилено не само на стадионот и приодите до него, туку и во околината на стадионот. Ќе биде тоа интензивна операција. Натпреварот ќе биде високоризичен, но сакаме да се одигра според предвиденото“, дополнил шпанскиот министер за внатрешни работи.
Една од најголемите дерби пресметки во фудбалскиот свет, дуелот помеѓу Реал и Барселона ќе се одигра во Мадрид, в сабота, со почеток во 18:15 часот.
-->
-->
-->
Ново на Сител
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин
-
Кривични пријави против три лица од Тетово за вршење јавен превоз без лиценца