Нема нов случај на заболен од коронавирусот во земјава
Во изминатото деноноќие не се тестирани нови пациенти од коронавирус и до овој момент нема нов случај на заболен од овој вирус во Република Македонија, соопшти денеска Министерството за здравство.
Во соопштението се посочува дека единствената пациентка позитивна на вирусот Ковид-19 е во добра здравствена состојба.
– Таа се лекува во одделот за изолација, под постојан мониторинг на стручниот лекарски тим според сите здравствени протоколи на Клиниката за инфективни болести и фебрилни состојби во Скопје. Останатите патници кои биле во комбето со единствената пациентка позитивна на коронавирус и лицата со кои тие оствариле непосреден контакт остануваат во домашна изолација. Во моментов нема македонски државјани заразени од овој вирус, ниту пак македонски државјани кои се под карантин во Италија, се додава во соопштението.
Министерството посолува дека земјава ги спроведува препораките на Светската здравствена организација за заштита од коронавирус и затоа нема простор за паника.
– Апелираме до граѓаните да ги применуваат мерките за хигиена, како што се избегнување близок контакт со лица кои имаат респираторни симптоми, кашлање, кивање, почесто миење раце со сапун и топла вода, да се стави маска доколку во близина има лице со симптоми на респираторно заболување. Во однос на состојбата со коронавирусот, апелираме до граѓаните да се информираат само од официјалните информации на релевантните институции, се нагласува во соопштението.
Министерството посочува дека продолжуваме со редовно информирање на јавноста и дека во текот на утрешниот ден, министерот за здравство Венко Филипче ќе го одржи редовниот брифинг за состојбата со коронавирусот во земјата.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово