Нема да се продаваат влезници за кошаркарскиот меч со Косово | Сител Телевизија
Кошарка
10. August 2017 - 16:00

Нема да се продаваат влезници за кошаркарскиот меч со Косово

Македонската кошаркарска федерација (МКФ) нема да пушти во продажба билети за натпреварот со Косово, кој ќе се одигра на 12 август во арената „Борис Трајковски“.
 
По одржаните состаноци и консултации со надлежните органи, денес беше донесена одлука од безбедносни причини билетите за натпреварот помеѓу Македонија и Косово да не бидат пуштени во продажба.
 
Македонската кошаркарска федерација сака да ѝ се извини на целата спортска јавност поради ваквиот развој на настаните со кој им се скратува можноста на оние што сакаа да го проследат овој натпревар од трибините во ВИП-арената при спортскиот центар „Борис Трајковски“.
 
Сите оние што поседуваат блок-билети може со истите да присуствуваат на натпреварот, но ќе бидат прераспределени во блок М15. Натпреварот ќе може да се проследи на Првиот програмски сервис на националната телевизија“, стои во соопштението што МКФ го објави на својата интернет-страница.