Фудбал
16. August 2017 - 12:05

Нема да биде лесно без Роналдо

Тренерот на Реал Мадрид, Зинедин Зидан, рекол дека е вознемирен поради суспензијата што Фудбалскиот сојуз на Шпанија (ФСШ) му ја изрече на Кристијано Роналдо. ФСШ го суспендира Португалецот на пет натпревари поради црвениот картон што го доби против Барселона во неделата и поради тоа што откако беше исклучен, го турна главниот судија.

„Многу сум изнервиран. Сите сме вознемирени. Не сакам да ги напаѓам судиите, но кога ќе видите што се случи и ќе помислите дека Кристијано нема да игра пет натпревари… Нешто се случи, вознемирен сум“, рекол Зидан на прес-конференција.

Кристијано е суспендиран на еден натпревар поради црвениот картон, а четири поради тоа што го турна главниот судија на првиот меч од шпанскиот Суперкуп против Барселона.

Реал ја обжали одлуката на ФСШ.