Нелсон: Го предупредив Додик на потенцијални последици
Американскиот амбасадор во БиХ, Ерик Нелсон изјави дека на српскиот член на Претседателството на БиХ, Милорад Додик му укажал на потенцијалните последици од непочитување на Дејтонскиот договор, како на пример врз економијата, заминување на младите и „нови санкции“.
– Му го пренесов ставот на САД дека територијалниот суверенитет и интегритет мора да се почитуваат, Дејтон мора да се почитува, а ултиматум и блокади не се добар начин на функционирање. Разговарав со него и за евентуалните последици. Тие можат да се одразат во економијата, со заминување на младите и преку нови санкции, истакна Нелсон.
Тој нагласи дека Дејтонскиот устав бил добра почетна точка, но потребни се модификации.
– Сите се согласуваат дека компромисот е тежок и тоа е голем предизвик, но проблемите мора да се решаваат преку државните институции, а Уставниот суд на БиХ е столб на државата и треба слободно да функционира, додаде американскиот амбасадор.
По средбата со Нелсон, која се одржа веднаш по седницата на Претседателството на БиХ, Додик, меѓу другото, изјави дека се што му рекол амбасадорот, тој му возвратил.
– Имаше и некои работи кои јас ги доживувам како закана и не ми се верува дека се впуштаат во такво нешто. БиХ ни припаѓа нам, а не нему за да се заканува во нејзина одбрана, изјавил Додик, објави Радио Сараево.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка