Неексплодирана артилериска граната пронајдена во Лешок
Неексплодирана артилериска граната со калибар од 100 милиметри била пронајдена вчера во непосредна близина на бензинската пумпа во Лешок, на земјоделска парцела што се наоѓа на десната страна од регионалниот пат Тетово - Јажинце, информираше денеска портпаролот на СВР Тетово Марјан Јосифовски.
Гранатата околу 15 часот ја пронашол Е.С.(51) од тетовското село Слатино додека со багер изведувал градежни работи на местото. Тој веднаш го известил сопственикот на градежната фирма по што двајцата го пријавиле случајот во полиција.
- Извршен е комплетен увид со учество и на претставници од Дирекцијата за заштита и спасување. Местото и гранатата се фотодокументирани по што експлозивното средство е подигнато и безбедно транспортирано за натамошна постапка односно уништување. Гранатата била значително корозирана, без видливи ознаки и се претпоставува дека потекнува од постаро време, изјави Јосифовски.
Ново на Сител
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари
-
ДИК: Гласањето во затворите тече без проблеми