Недоволниот број хидранти ги кочи интервенциите на пожарникарите
Недоволниот број хидранти и лошиот распоред на мрежата им причинуваат големи проблеми на пожарникарите во Струмица. Имено, кога гаснат пожар принудени се да поминат десетина и повеќе километри повторно да ги наполнат со вода своите возила.
Овој проблем посебно е изразен во селата од регионот, каде бројот на надворешни хидранти е многу мал. Во дел од населените места тие не се функциoнални, а во голем дел и воопшто не постојат.
-Доколку гаснеме пожар во некое населено место оддалечено 10-15 километри од градот возилото треба повторно да се врати во единицата за да наполни вода. Доколку во населеното место има хидранти и се во исправна состојба нема да губиме драгоцено време и секако штетите од пожарите ќе бидат помали, вели Александар Гудев, командир на ТППЕ Струмица.
И од Дирекцијата за заштита и спасување потврдуваат дека недоволен е бројот на хидрантите, посебно во населените места, каде ги има на една или две локации иако треба да ги има насекаде.
– Самите општини, односно јавните комунални претпријатија, се должни да подготват шема на надворешни хидранти и истата да ја достават до Дирекцијата и Територијалната против пожарна единица, вели Митко Димчев, инспектор во Дирекцијата за заштита и спасување.
Додава дека е потребно да се постават хидранти во градот, посебно на влезовите и излезите, како и на повеќе локации во населените места, бидејќи согласно законот за заштита и спасување предвидени се и казни за тие што нема да ги почитуваат своите обврски.
Ново на Сител
-
Ковачевски од Демир Капија: СДСМ и Коалицијата се единствена опција за европска иднина на државата
-
Силен земјотрес ја стресе Турција
-
Покрај отстапката на властите сите локални избори да бидат на 2 јуни, опозицијата се уште без став дали ќе излезе на избори
-
Николоски: На овие избори се одлучува дали Али Ахмети ќе продолжи да газдува со Македонија
-
За 3 дена во странствo ќе заработам како за 3 години тука | Ана Марија Јанковиќ | Sitel Podcast 027
-
Дачиќ за Бујар Османи: Интересно е дека Пендаровски не бил информиран за резолуцијата за Сребреница
-
Столтенберг: НАТО работи на испраќање повеќе ПВО системи во Украина
-
Бислими: Српската страна не нуди идеи за решавање на проблемот на употребата на динарот на Косово