НБРМ организира конференција за плаќања и пазарна инфраструктура
Десеттата јубилејна конференција за плаќања и пазарна инфраструктура: „Двигатели на интеграцијата на плаќањата во Европа – иновации и соработка“, од денеска до 7-ми овој месец ќе се одржи во Охрид во организација на Народната банка на Република Македонија, а во соработка со централните банки на Холандија и Португалија.
На годинашната јубилејна конференција најавено е учество на претставници од Европската унија, односно од Европската централна банка, централните банки коишто му припаѓаат на Европскиот систем на централни банки и од Европската комисија, од Банката за меѓународни порамнувања и Светската банка, како и меѓународниот депозитар за хартии од вредност „Еуроклиар“ (Euroclear) и „Комерцбанк“ (Commerzbank).
Од НБРМ информираат дека на конференцијата ќе се обрати членот на Извршниот одбор на Европската централна банка, Ив Мерш, во чија надлежност се прашањата од платежната област во Европската унија, гувернерот на Банката на Холандија, Клас Кнот, членот на Одборот на директори на Банката на Португалија, Хелдер Росалино, како и челници на институции со коишто долги години го остваруваме овој проект.
За квалитетот, традицијата и препознатливоста на оваа конференција сведочи големиот број претставници од 19 централни банки, и тоа не само од регионот туку и од Западна, Централна и Источна Европа, Заедницата на независни држави, Блискиот Исток и Северна Африка.
Конференцијата ќе опфати теми преку кои предавачите ќе се осврнат на иновациите во платежната област, финансиската технологија, дигиталните валути, безбедноста на плаќањата, развојот на инфраструктурата за порамнување на хартиите од вредност, како и за новата регулатива во платежната област во Европската унија.
На последниот ден од Конференцијата, покрај обраќањето на претставниците од централните банки, ќе биде организирана панел-дискусија во рамки на којашто гувернерите, членовите на одборите на централни банки и експерти ќе дискутираат за тоа како домаќинствата, компаниите и владите во националните економии ќе плаќаат во 2025 година, односно дали ќе претпочитаат користење дигитално банкарство и дигитални технологии наспроти употребата на готовина.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари