Кошарка
16. July 2017 - 19:38

НБА:Ентони сака во Хјустон

Кошаркарот на Њујорк Никс, Кармело Ентони, во наредните денови очекува да се сретне со челниците на клубот од кои ќе побара да биде трејдуван во Хјустон Рокитс.
 
Според американските медиуми, популарниот Мело, ќе се откаже од клаузулата во договорот која забранува трејд во друг тим, но за да биде реализирана неговата желба тој ќе мора да се договори со генералниот менаџер на Њујорк Скот Пери и со претседателот Стив Милс.
 
Инаку интерес за Мело покажува у вицешампионт Кливленд, но крилниот кошаркар рекол дека сака трејд во Хјустон.
 
Кармело Ентони има важечки договор со Њујорк и во наредните две сезони, според кој треба да инкасира 54 милиони долари, но како сега стојат работите многу е пореална варијантата тој да се пресели во Тексас.
 
Со Ентони Хјустон ќе створи тим за респект, подготвен да ја нападне шампионската титула. Хјустон кој во тимот го има Џејмс Харден, на почетокот на преодниот рок потпиша договор со најдобриот плејмејкер во лигата Крис Пол.