Кошарка
19. May 2017 - 9:32

НБА: Објавена најдобрата петорка сезонава

Во НБА лигата ноќеска немаше натпревари, но затоа беа објавени најдобрите петорки за сезонава. Во „првата петорка“ се најдоа: Џејмс Харден (Хјустон – 500 гласови), Леброн Џејмс (Кливленд - 498), Расел Вестбрук (Оклахома Сити - 498), Кавај Ленард (Сан Антонио - 490) и Ентони Дејвис (Њу Орлеанс - 343). 
Харден ги доби сите 500 гласови за член на најдобрата петорка, додека Џејмс е избрано по 11.ти пат и со тоа се изедначи со Коби Брајант и Карл Мелоун.
Во „втората петорка“ изненадувачки има двајца играчи од Голден Стејт, кои не се најдоа во „најдобите пет“: Стеф Кари и Кевин Дјурент, а покрај нив се уште Ајзеа Томас (Бостон), Јани Антетокунбо (Милвоки) и Руди Жобер (Јута).
Во „третиот тим“ се наоѓаат: Џон Вол (Вашингтон), ДеМар Де Розан (Торонто), Џими Батлер (Чикаго), Дрејмонд Грин (Голден Стејт) и ДеАндре Џордан (ЛА Клиперс).    

Ново на Сител