НБА: Хјустон го губи ритамот против Лејкерси
Лос Анџелес лејкерс ја забележа третата победа во серијата со Хјустон рокетс и се наоѓа на чекор до пласман во финалето на Западот. Во четвртиот меч од серијата Лејкерси славеа со 110:100.
Лејкерси имаа целосна контрола врз случувањата на теренот, а кога на седум и пол минути до крајот на мечот создадоа предност од 23 поени се чинеше дека мечот е готов. Меѓутоа, Хјустон во наредните шест минути со серија 22:4 ја намали разликата на само пет поени.
Сепак, „ракетите“ немаа сили за целосен пресврт. Карусо со тројка во последната минута стави точка на мечот.
Леброн Џејмс одигра уште еден одличен натпревар во оваа серија, асистенција го делеше од трип-дабл (16 поени, 15 скокови, 9 асистенции). Најефикасен на мечот беше Ентони Дејвис со 29 поени.
Кај Хјустон катастрофален меч одигра Џејмс Харден, кој 16 од своите 21 поени постигна од линијата за слободни фрлања (16/20 слободни фрлања, 2/11 од игра). Расел Вестбрук ги предводеше „ракетите“ со 25 поени.
Петтиот меч од серијата на програмата е в недела наутро.
Ново на Сител
-
Бислими: Српската страна не нуди идеи за решавање на проблемот на употребата на динарот на Косово
-
Курти: Неизрекувањето санкции ја охрабрува агресивноста на Србија
-
Министерот Тошковски во посета на ОВР Кичево и полициските одделенија Зајас и Осломеј
-
Украден сеф со пари од менувачница во Чаир
-
Две жени пријавиле семејно насилство, едната од сегашниот другата од поранешниот сопруг
-
МЗ: Позитивен став кон приватните специјализанти, но решение после изборите
-
Трагите од предметите пронајдени во автомобилот во кој била убиена двегодишната Данка издадени на вештачење
-
Виничанец починал во дворот на сограѓанин