НБА: Г.Стејт со втора победа против Портланд
Кошаркарите на Голден стејт вориорс за уште еден чекор се доближија до големото финале во НБА-лигата. Актуелните шампиони водат со 2-0 во финалето на Западот против Портланд Трејлблејзерс. Вориорс вториот меч од оваа серија го добија со 114:111.
Портланд имаше, но не ја искористи шансата да направи брејк во „Оракл арена“ во Оукленд. Блејзерси имаа предност од 17 поени во текот на првото полувреме, водеа со 16 поени (69:53) на почетокот на третата четвртина, а на четири минути до крајот на мечот водеа со разлика од осум поени. Имаа Блејзерси и шут за израмнување но Грин му украде „жива“ топка на Демијан Лилард.
На крајот пресуди шампионското искуство на Вориорс, кои благодарение на Стеф Кари и Дрејмонд Грин не дозволија брејк. Портланд не успеа да победи иако блескаа во шутот за три поени, погодија 18 тројки од 39 обиди.
Стеф Кари ги предводеше Вориорси со 37 поени, 8 скока и 8 асистенции, Клеј Томпсон постигна 24, Дрејмон Грин заврши со 16 поени, 10 скока, 7 асистенции и 5 блокади, а одличен натпревар одигра и Кивон Луни, кој не промаши од игра (14 поени, 7 скока).
Лилард за Портланд реализираше 23 поени, 5 скока, 10 асистенции, поен помалку постигна Си Џеј Мекалум, а братот на Стеф Кари, Сет мечот го заврши со 16 поени, 2 асистенции и 4 украдени топки.
Ново на Сител
-
Судот на БИХ одреди притвор за три лица уапсени под сомнение дека соработувале со картел кој шверцувал дрога од Латинска Америка во Европа
-
ОН: Речиси 282 милиони луѓе ширум светот се соочиле со акутен глад во 2023 година
-
Папата Франциск за конфликтите во Украина и Газа: Договорен мир е подобар од бескрајна војна
-
Барселона го одврати Чави од заминување, нов договор до 2025-та
-
Уште еден гигант тргнува по ѕвездата на Манчестер Сити
-
Петмина тинејџери обвинети за тероризам по прободувањето со нож во црквата во Сиднеј
-
ИДФ за снимката на заложникот објавена од Хамас: Ова е итен повик за акција
-
Две лица загинаа кога воен авион се запали и се урна во близина на Алјаска | ВИДЕО