Кошарка
19. November 2021 - 11:44

НБА: Голден Стејт го чува врвот на Западот

Кошаркарите на Голден Стејт го задржаа водечкото место во Западната конференција во НБА лигата, совладувајќи го синоќа Кливленд на гостински терен со 104-89, иако беа на прагот на пораз.

Домашната екипа влезе во четврта четвртина со предност од 13 поени разлика, но последните 12 минути Голден Стејт ги реши во своја корист со дури 36-8, предводен повторно од Стив Кари, кој 20 од вкупно 40 поени ги уфрли во завршниот период.

Резултати од натпреварите во НБА лигата одиграни ноќта меѓу четвртокот и петок:

Кливленд – Голден Стејт 89-104

Мајами – Вашингтон 112-97

Мемфис – ЛА Клиперс 120-108

Минесота – Сан Антонио 115 90

Детроит – Филаделфија 89-103

Јута – Торонто 119-103.