НБА го смени форматот на „Ол стар“ натпреварот поради Коби
Националната кошаркарска асоцијацијана САД и Канада официјално го објави новиот формат на „Ол стар“ натпреварот. Sвезденото шоу ќе има различни правила оваа година, при што организаторите сакаат на тој начин да му оддадат почит на Коби Брајант и на другите осум жртви на хеликоптерската несреќа.
Како што стана јасно, капитени на двата тима ќе бидат Леброн Џејмс и Јанис Андетокумбо. Првите три четвртини од мечот ќе бидат по 12 минути, и сите ќе почнуваат со резултат 0:0. Победникот на секоја од нив ќе избере јавна организација да добие 100.000 долари во добротворни цели.
По одигрувањето на првите три дела и утврдување на победниците во нив, се додаваат поените на секоја екипа и последната четвртина ќе започне со вкупниот резултат. На поените на тимот, кој во моментот води, ќе бидат додадени уште 24 во чест на Коби Брајант.
На пример, ако резултатот по првите три четвртини е 100:95, 24 се додаваат на 100 и се добива 124. Во овој случај, првиот тим кој ќе постигне 124 поени, без разлика за колку време, е победник во Натпреварот на вездите. Тој ќе добие 200.000 американски долари, кои ќе ги даде на добротворна организација по избор.
Настанот ќе се одржи на 16 февруари во Чикаго.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка