Науката, а не винарии да одлучуваат за шеќерните единици, бараат лозарите
Науката, а не винарските визби да одлучуваат околу шеќерните единици според кои ќе се откупува и плаќа грозјето, изјави денеска претседателот на Здружението „Напредни лозари”, Трајче Кулев.
Лозарите, истакна Кулев, се револтирани зашто винарските визби сами ги одредуваат шеќерните единици.
-Според нас, тоа треба да го прави Факултетот за земјоделски науки и храна. Ќе го бараме тоа, науката да одлучува околу технолошката зрелост на грозјето. Не тоа да го прави секоја винарија посебно, а ние лозарите да губиме со катастрофалните цени по килограм грозје. За 18 малигани добивавме 13 денари, а сега истата сума ја добиваме за 21 малиган, рече Кулев.
Тоа, оцени, мора да прекине зашто со вакви цени производителите не можат да опстанат.
-Институциите во кои верувам, да застанат зад лозарите и да се стави крај на самоволието на винариите. Да не се откупува грозје на диво, туку претходно да се склучуваат договори. За доброто на лозарите. Оти ова вака повеќе не оди. Здружението нема врска со политика, партии, така и ќе функционира. Децата дома бараат пари, не ги интересира политика, рече Кулев.
Ново на Сител
-
Пожар зафати куќа во неготинско Долни Дисан
-
Врховен задутре ќе одржи јавна седница по жалбата на таткото на Вања против мерката притвор
-
Минималната синдикална кошница за април 60.212 денари, зголемена за 1.214 денари во однос на март
-
Цената на лебот засега е стабилна и нема да се менува, велат од Агро-бизнис комората при ССК
-
МВР, ЈО и АНБ комплетно подготвени за претстојните претседателски избори
-
Инаугурацијата на Путин ќе се одржи на 7 мај
-
Шојгу: Русија ќе ги интензивира нападите врз складишта со западно оружје во Украина
-
Просечната плата во февруари изнесува 39.276 денари