Научници од Џорџија: Откривме лек кој го спречува ширењето на коронавирусот за 24 часа
Истражувачите од Државниот универзитет во Џорџија тврдат дека откриле антивирусен лек кој се зема орално и во рок од 24 часа спречува луѓето кои се заразени да го шират коронавирусот на здрави луѓе.
Станува збор за лекот МК-4482 / ЕИДД-2801, познат како Молнупиравир, кој целосно го запира евентуалното пренесување на Ковид-19 на други луѓе за еден ден.
На чело на тимот беше д-р Ричард Племпер, кој исто така откри дека лекот е добар во борбата против сезонските вируси.
– Ова е прва демонстрација на лек кој исклучително брзо го блокира пренесувањето на САРС-КОВ-2. Ова може да биде пресвртна точка, рече Племпер.
Како што пренесуваат странските агенции, запирањето на ширењето на вирусот, додека не се случи масовна вакцинација на планетата, би ги спречило катастрофалните последици што веќе ги остави пандемијата.
– Забележавме дека лекот МК-4482 / ЕИДД-2801 носи целосен опсег на активности против респираторни РНК вируси и дека третира заразени животни давајќи им го лекот орално, така што драматично ја намалува трансмисијата, истакна Племпер.
Ново на Сител
-
Гвардиола: Главната работа во фудбалот е да постигнеш гол
-
Артета: Арсенал имаше многу периоди на доминација, но тоа не беше доволно да го поминеме Баерн
-
Анчелоти е прв кој три пати го исфрли Гвардиола од ЛШ
-
Приватна средба на полскиот премиер со Трамп
-
За брзо возење казни за 140 возачи на територија на цела држава
-
Најмногу дожд во Виница 32 литри на квадрат, најстудено на Попова Шапка минус три степени
-
ЦУК апелира на внимателност поради влошувањето на временските услови
-
Затворен аеродромот Манадо поради ерупција на индонезискиот вулкан Руанг