Натпревар во риболов на акумулацијата Отошница
На акумулацијата на браната Отошница во селото Отошница во општина Ранковце, се одржа годинашниот традиционален Куп-натпревар во риболов „Мрена 2019“, во организација на спортско-рекреативниот риболовен клуб „Мрена“ од Крива Паланка.
– Купот е посветен на денот на ослободувањето на Крива Паланка, 8 Октомври, а учествуваа осум екипи од Република Северна Македонија. Вкупниот број натпреварувачи беше 24, а се натпреваруваа во најмногу килограми уловена риба по екипа. Голем придонес во одржувањето на турнирот даде локалната самоуправа на Општина Крива Паланка, за што искажувам благодарност и од нас како клуб и од страна на учесниците, за кои беа овозможени сите потребни услови за беспрекорна организација на Купот, изјави Зоран Стоилковски, претседател на ЗСРРК „Мрена“.
На Куп-натпреварот настапија екипите на спортско-рекреативните риболовни клубови „Елен“ од Ново Село, „Црна Река“ од Битола, „Пчиња“ од Куманово, „Бабуна“ и „Кркушка“ од Велес, „Крап“ од Радовиш и „Мрена 1“ и „Мрена 2“ од Крива Паланка.
Првото место на купот го освои екипата на „Бабуна“ од Велес, второпласирана е екипата на „Пчиња“ од Куманово и третото место го освои екипата на „Мрена 2“ од градот домаќин.
Ново на Сител
-
Инспекторатот ќе контролира дали рабодавачите ја почитуваат владината одлука за неработен ден
-
До четврток облачно со дожд, од петок стабилизирање на времето
-
Граѓаните со истечени лични документи од 24 јули 2023 година ќе може да гласаат на утрешните претседателски избори
-
Тешко повреден пешак во сообраќајка на „Партизанска“ во Скопје
-
Во Хрватска падна снег | ВИДЕО
-
Пожар на грчкиот остров Крит во близина на поморската база Суда, превентивно евакуирани населба, болница и училиште
-
Првите шест авиони „Рафал“ во Хрватска пристигнуваат оваа недела
-
Швајцарија замрзна руски имот во вредност од 5,8 милијарди франци