НАТО: Русија треба да гарантира пристап до украинските пристаништа на Азовското Море
НАТО денеска изрази загриженост за поморските воени вежби околу полуостровот Крим, кој Русија го анектираше во 2014 година, и побара од Русија да гарантира слободен пристап до украинските пристаништа на Азовското Море.
– Ја повикуваме Русија да гарантира слободен пристап до украинските пристаништа во Азовското Море и да дозволи слободна пловидба, наведува Алијансата.
Ограничувањето на пристапот до одредени области во Црното Море и Керчкиот теснец, кој го поврзува со Азовското Море, би била „неоправдана акција“ и „дестабилизирачко однесување на Русија“, се додава во соопштението.
НАТО исто така ја повикува Русија веднаш да ги намали тензиите во регионот.
Русија до октомври ќе ја ограничи пловидбата на странски воени и службени бродови во три области околу Крим, од кои едната се наоѓа во близина на полуостровот Керч, соопшти денеска руското Министерство за одбрана.
Оваа област е важна за извоз на пченица или челик произведен во Украина.
Руско-украинските тензии траат со недели. Киев, кој стравува дека Кремљ бара изговор за напад, ја обвини Русија за распоредување на над 80.000 војници долж источната граница на Украина и на полуостровот Крим.
Русија соопшти дека распоредувањето војници на границата не претставува закана, и го обвини Киев за подготовка на офанзива против проруските бунтовници во источна Украина.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка