НАТО почнува со преселба во нова зграда во Брисел

Седиштето на НАТО Алијансата денеска ја започнува својата преселба, и тоа отсега ќе се наоѓа веднаш спроти досегашното седиште, кое во иднина се уште ќе се користи во транзицискиот период.

Преселбата треба да трае околу три месеци за речиси 4000 вработени во седиштето на Алијансата во Брисел.

Преселбата доцни неколку месеци поради технички проблеми со информатичкиот систем, а ќе чини 1,17 милијарда евра.

Од јули  се очекува средбите во НАТО да се одржуваат во новата зграда, што најверојатно би значело дека следниот самит на Алијансата би се одржал таму, доколку преселбата се одвива непречено.