НАТО одобри вселенски центар во Германија
Оваа недела се очекува договор на министрите за одбрана на земјите членки на НАТО за изградба на вселенски центар во југозападна Германија, поради загриженоста за, како што смета западниот воен сојуз, сè поагресивното однесување на Русија и Кина.
Во пресрет на дводневниот состанок, кој започнува денеска, генералниот секретар на НАТО, Јенс Столтенберг рече дека новиот вселенски центар ќе биде поставен во Рамштајн, воздушна база во близина на француската граница, за дополнително да се олеснат сателитските и воените комуникации за време на операциите на Северноатлантскиот сојуз низ целиот свет.
– НАТО продолжува да се прилагодува во сите области, вклучително и во вселената, која секоја година станува се повеќе зафатена. Некои земји, пред се Русија и Кина, развиваат системи што можат да ги заслепат, оневозможат или срушат сателитите во орбитата, предупреди Столтенберг.
Околу Земјата кружат околу 2.000 сателити, од кои повеќе од половина се контролирани од членки на НАТО, а системот за сателитска комуникација обезбедува скоро сè – од услуги за мобилна телефонија до временска прогноза.
Во моментов, околу 40 проценти од комуникациите на НАТО се одвиваат преку сателит, се наведува во извештајот на Радио Слободна Европа.
– Вселената е клучна за нашата способност за навигација, комуникација, откривање на лансирани ракети и брзите, а ефикасни и безбедни сателитски врски се од витално значење за нашите војници, рече Столтенберг.
Тој истакна дека целта на сојузниците не е „милитаризација на просторот, туку да се подигне свеста во рамките на НАТО за предизвиците во вселената и заедничката способност да се справат со нив“.
Во декември, членките на Северноатлантската алијанса ја препознаа вселената како петти домен на операции што мора да се бранат исто толку ефикасно како воздушниот простор, копното, морето и кибер просторот.
Ново на Сител
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка
-
Крилото на Села на АА оди во коалиција со Европскиот фронт, очекува најмалку пет пратенички мандати
-
Тепачка помеѓу вработени во болница во Карпош
-
Физички нападната 71-годишна скопјанка