НАТО ги повика сојузниците да се обединат за темите што ги сплотуваат, а не околу тие што ги делат
Генералниот секретар на НАТО, Јенс Столтенберг, денеска ги повика Холандија, Германија и Турција, кои влегоа во жесток вербален конфликт за референдумот за турското државно управување, да го намалат тонот и да се обединат околу тоа што ги сплотува, а не да бараат теми кои водат кон поделби.
Тензичната дебата е во срцето на демократијата, но неопходно е взаемно почитување, ги повикувам сите сојузници да го покажат тоа и да го зачуваат мирот, изјави Столтенберг. - Важно е да се фокусираме на заедничките закани, а не на темите кои не делат. Важно е да има дијалог, додаде тој по повод заладувањето на односите меѓу посочените три држави членки на Алијансата.
- Референдумот ќе го определи видот на власта во Турција, ќе го признаеме резултатот, добро е доколку процесот биде демократски. Секоја држава членка на НАТО сама решава дали нејзиното управување ќе биде претседателско или парламентарно, додаде генералниот секретар.
Тој информира дека оставарил контакти со владите на Холандија и Турција, кои ги повикал да го зачуваат мирот.
- Не можам да споделам детали за разговорите, но навистина верувам дека треба да се фокусираме врз опасностите надвор од границите на НАТО, посочи Столтенберг.
Ново на Сител
-
Мисајловски: Ќе ги скратиме непродуктивните трошоци, за пензионерите ќе има 5.000 денари покачување на пензиите
-
Во Украина 50.150 лица се водат како исчезнати
-
ОН: На Хаити е катаклизмична ситуацијата
-
Бела куќа: САД испратија писмено предупредување на Русија за нападот во Москва, бесмислица е тврдењето за вмешаност на Украина
-
МЗШВ: Со измените во Законот за стокови резерви, оризовата арпа се вбројува во листата на стратешки култури за државата
-
ВМРО-ДПМНЕ ги потврди листите за пратеници
-
Зеленски: Русија планира голема офанзива во наредните месеци
-
18-годишен тетовец украл автомобил, па направил сообраќајка