Ракомет
19. January 2018 - 20:42

Нашите ракометари од грандиозната „Арена“ во Загреб, во селско училиште

Ракометарите на Македонија продолжија во втора фаза во Вараждин, но многу работи не се исти како во Загреб. Од натпреварот со Германија во грандиозната „Арена“, сега се префрлија во училишна сала веднаш до словенечката граница, објави порталот sport1.

Станува збор за една од официјалните сали на ЕХФ кои се користат за тренинг на репрезентациите учеснички. Се наоѓа во Мурско Средишче, на 16 километри северозападно од Вараждин, а училиштето во чиј комплекс се наоѓа е еден од последните објекти на територијата на Хрватска, пред да преминете во Словенија.

Гратчето има околу 6.000 жители, салата делува сиромашно однадвор особено кога ќе се спореди со величествената загрепска „Арена“, меѓутоа Хрватите не импровизираат. Паркетот беспрекорен, димензиите на теренот нормални, условите во салата подобри од многу македонски суперлигашки сали.