Македонија
14. May 2016 - 9:37

Народни верувања за најголемиот христијански пророк - Еве што треба да направите денес!

Светиот пророк Еремија е христијански светец и еден од најголемите пророци, роден шест векови пред Исус, Иако многумина не знаат за него во некои делови на земјата се уште се одржуваат обичаи и народни верувања.
 
Некој од куќата треба да стане порано да земе тава, да мава во неа и неколку пати да повтори: Еремија во полето, а сите змии во морето! Бегајте змии и гуштери, каде иде Еремија, сос краставо коњиште, сос рѓаво сабјиште, сос голо главиште.
 
Додека се слуша удирањето и песната, дотогаш змијата нема да ви се доближи.
 
Во повеќе краишта на Македонија на овој ден се прават црепни. Нив ги прават само жените, кои за таа цел копаат специјална земја, потоа ја сеат за да ги отстранат камчињата, ја газат додавајќи некои примеси за црепните да се поцврсти и да не се кршат.
 
Ако земјата се донесува претходниот ден ноќта се чува да не се случи некој да фрли сол од што црепните пукаат. Поради култот кон лебот, а и поради тоа што во црепните се месат разни обредни лебови кои се носат и во црквата како кравајчиња и сл. жените што прават црепни се облекуваат во чиста облека.